АҞӘА, цәыббра 2 - Sputnik. Аԥсны жәларбжьаратәи азхаҵара — атәыла адәныҟаполитикатә хыдҵақәа иреиуоуп, ҳәа иҳәеит адәныҟатәи аусқәа рминистр Сергеи Шамба.
"Ари ахықәкы анагӡараҿы ҳара иаҳбоит Америкеи Евроеидгылеи иаадырԥшо ақәыӷәӷәара. Убри аҟнытә ҳара ҳҽазаҳшәоит мраҭашәаратәи атәылақәа анырра ду ахьрымам аҳәынҭқаррақәеи ҳареи аимадарақәа ҳабжьаҳҵарц ҳҽазаҳшәоит", — иҳәеит Шамба агазеҭ "Известия" иаиҭаз аинтервиу аҟны.
Шамба иажәақәа рыла, Аԥсны адипломатиатә еизыҟазаашьақәа змоу атәылақәа рганахьала Америка изныкымкәа ақәыӷәӷәара шыҟанаҵахьо.