АҞӘА, цәыббра 3 - Sputnik. Аԥсны адәныҟатәи аусқәа рминистрраҿы ахә ҳаракны иршьеит Аԥсни Никарагуеи русеицура аҿиара алшамҭақәа.
16 шықәса раԥхьа, цәыббра 3 2008 шықәсазы, Хосе Даниель Ортега Сааведра инапы аҵеиҩит Аԥсны ахьыԥшымра азхаҵаразы Адекрет.
Аԥсны адәныҟатәи аусқәа рминистр Сергеи Шамба никарагуатәи иколлега Денис Роналдо Монкаде Колиндрес адныҳәаларатә шәҟәы изишьҭит.
"Гәахәара дула иазгәаҳҭоит ҳхьыԥшымра азхашәҵеижьҭеи, адипломатиатә еизыҟазаашьақәа ҳабжьаҳҵеижьҭеи ҳҳәынҭқаррақәа активла ҩ-ганктәи аусеицура иахьдырҿио, ԥхьаҟатәи аҳәынҭқаррабжьаратә еинырра еиҳа-еиҳа иахьдырҵауло", — ҳәа аҳәоит атекст аҿы.