Ақыҭақәа ацхыраара рыҭара есышықәсатәи усмҩаԥгатәуп, ҳәа азгәеиҭеит аиҿцәажәараҿы Аҩӡба.
"Ҵыԥхтәи ахашәала еихшаны Дәрыԥшьни Лыхни 800-800 нызықь мааҭ рзауҳашьҭит. Егьырҭ 500-500 нызықь мааҭ. Лыхны Дәрыԥшьи иаҳа изалкаахаз уи ауп, Лыхны – ҽаҩраҭагалан аныҳәа мҩаԥгахоит, Дәрыԥшь аҽырыҩрақәа", - ҳәа иҳәеит Аҩӡба.
Уи инаҷыданы, аҵараҟәша иазоужьын х-миллион мааҭ.
Иара убас егьырҭ ахашәалақәа шеихшаз атәы шәазыӡырҩыр шәылшоит аудиофаил аҟны.