АҞӘА, цәыббра 15 – Sputnik. Наур Гармелиа ифильм "Аҵыхәтәантәи ахәԥса" аԥхьахәқәа хԥа иаԥсахеит Анапа имҩаԥысуаз Жәларбжьаратәи акинофестиваль "Киношок" аҿы.
Гармелиа Sputnik ишазеиҭеиҳәаз ала ифильм аԥхьахәқәа аиуит арежиссуаразы, иреиӷьу аоператор иусумҭазы, иара убас афестиваль акинопресса аҟынтәи адиплом.
"Афильм аҟны иаарԥшу аҭоурых ауаа ирзааигәоуп, аемоциақәа рыҵоуп. Аиԥш зеиԥшу аҭоурыхқәа уажәы имаҷны иҭырхоит ҳәа сгәы иаанагоит. Асоветтә кино иадыркылеит сфильм", - иҳәеит арежиссиор.
Зынӡа афильм 11 ԥхьахә иаԥсахахьеит. Аԥсны аԥхьарбара азгәаҭоуп ҭагалан 2024 шықәсазы.