АҞӘА, цәыббра 17 — Sputnik, Бадраҟ Аҩӡба. Аԥснытәи аҳәынҭфилармониаҿы акәашаратә проект Eytsikәashow ахәбатәи аҳасабырбатә концерт мҩаԥысит.
Аслан Багаԥшь игәыԥ ажәытәӡатәи аԥсуа кәашара нарыгӡар акәын, Денис Инаԥшьба игәыԥ —еимданы ажәытә аԥсуа кәашара. Зегьы еицырзеиԥшыз дҵаны иҟан ҳаамҭазтәи амузыка гәыԥла ацкәашара.
Иааидкыланы ф-концертк рымҩаԥгара азгәаҭоуп, анаҩстәи афиналтә концертхоит. Аиааира згаз еилкаахоит ироуз ахәшьарақәа рыла. Аҩбатәии ахԥатәии аҭыԥқәа аанызкылаз аԥаратә ҳамҭақәа ранашьахоит.
Sputnik Аԥсны — амузыкатә проект Eytsikәashow аинформациатә дгылара анаҭоит.