АҞӘА, цәыббра 18 — Sputnik. Аԥсны ақыҭанхамҩа аминистр Беслан Џьопуеи "Росрыболовство" аиҳабы Илиа Шестакови аусеицураз азҵаарақәа ирылацәажәеит, абри атәы аанацҳауеит аусбарҭа апресс-маҵзура.
Аганқәа ҷыдала ахшыҩзышьҭра арҭеит, Амшын еиқәа аҿы аԥсыӡкразы еицырзеиԥшу апроектқәа рыҿиара. Ахәҭакахьала, аԥсуа ган ааглыхрахь Урыстәылатәи аинвестициақәа ралагаларазы азҿлымҳара аадырԥшит.
Аиԥылара мҩаԥысит Аԥсны ахаҭарнакцәа есышықәса изҭаауа аԥсыӡааглыхратә форум аҳәаақәа ирҭагӡаны. Арадио Sputnik аефир аҟны Беслан Џьопуа иазгәеиҭеит Аԥсны азы ари афорум азҿлымҳара шамоу.
Иҳәеит ареспубликаҿы аԥсыӡкреи аус адулареи знапы алаку анаплакқәа зегьы раалыҵ Урыстәыла аҭира шрылымшо. Афорум аҳәаақәа ирҭагӡаны ари азҵаарагьы иалацәажәеит.