АҞӘА, цәыббра 19 — Sputnik. Апатриоттә лагер "Афырхацәа ирхылҵыз" мҩаԥысуеит Аԥсны цәыббрамза 22 инаркны жьҭаарамза 2 рҟынӡа, абри атәы иҳәеит Аҳәынҭспортеилакы ахада Ҭарашь Ҳагба аԥыза-министр Александр Анқәаби иареи реиԥылараан.
Алагер иалахәхоит 1992-1993 шықәсқәа рызтәи Аԥсны жәлар Рџьынџьтәылатә еибашьра аветеранцәа рмоҭацәа, хатәгәаԥхарала еибашьуаз рмоҭацәагьы налаҵаны, иара убас Курсктәи аобласт аҟынтәи ахәыҷқәа.
Ахәыҷқәа рзы алекциақәеи, аспорттә уснагӡатәқәеи, аекскурсиақәеи мҩаԥгахоит.