АҞӘА, цәыббра 19 — Sputnik. Аԥсни Урыстәылеи ирыбжьоу аидгылареи астратегиатә еиҩызареи рзы Аиқәшаҳаҭра иарбоу ахәҭақәа рынагӡара аамҭа ааит, абас аҳәамҭа ҟаиҵеит ахада Аслан Бжьаниа, Аԥсуа телехәаԥшра аинтервиу аҭо.
2014 шықәсазы напы зҵаҩыз адокумент Аԥсни Урыстәылеи ринтересқәа ирықәшәоит ҳәа азгәеиҭеит атәыла ахада.
"Ари Аиқәшаҳаҭра рнапы анаҵарҩы нахыс иарбаз хәҭақәак рынагӡаразы аамҭа ааит, арҭ ашықәсқәа ирылагӡаны аԥсуа ган еиуеиԥшым амзызқәа ирыхҟьаны иацәхьаҵуа иааиуан. Ҵыхәаԥҵәарада ус аҟаҵара залшом уажәшьҭа. Астратегиатә ҩызас иҳамоу дара заҵәык роуп", — иҳәеит Бжьаниа.