Агәымшәараз амедал занашьоу, Ешыра - Афонтәи абаталион аибашьҩы Ҭемыр Гәлиа арадио Sputnik аҟны игәалаиршәеит Аҟәа ахақәиҭтәразы ажәылара иаԥхьагылаз ахҭысқәа, аҳҭнықалақь шҭадырцәоз.
Ешырантәи Аҟәа ҳалаԥшон, знык ҳақалақь ҳалаандаз ҳәа акәын ҳшыҟаз иҳәоит Гәлиа.
"Аҟәа иалалоз аибашьцәа зегьы рабџьарқәа рыла ажәҩанахь ихысуан, ари амш аҽны ҳҵәыуон: иҳавыршьааз ҳашьцәа-ҳаҳәшьцәа хгәалашәон, ҳиааира ҳаигәырӷьон. Ҳрота дҵас иҳамаз ала Ацха ҟаԥшь аҟынӡа ҳнаӡеит, уа ҳагьаангылеит", - иҳәеит аибашьра аветеран.
Шәахәаԥш инарҭбаау авидеонҵамҭа.