АҞӘА, цәыббра 26 - Sputnik. Аԥсны аҳәынҭқарратә университет аҿы иҟалаз ахҭыс инамаданы изышьҭаз Иракли Багаҭелиа даанкылоуп ҳәа аанацҳауеит Аҩнуҵҟатәи аусқәа рминистрра апресс-маҵзура.
Уаанӡа ирҳәахьан аусбарҭа агәаҭарақәа шымҩаԥнаго иҟалаз ахҭыс азы. Ишьақәыргылоуп цәыббрамза 24 асааҭ 11:00 рзеиԥш аҵараиурҭа ауадабжьаларҭаҿы Иракли Багаҭелиа хаҭала дахьицәымӷыз азы архимандрит Аб Дараҭ (Дмитри Дбар) диҿасит.
Иракли Багаҭелиеи иашьа Даури аанкылан аҭоурых змоу Лыхнашҭа иқәгылоу шәышықәсеи бжаки зхыҵуа аҭәаҵла ԥырҟеит ҳәа гәҩарас иҟаҵаны.
Дмитри Дбар (аб Дараҭ) — архимандрит, ақьырсиан еиҿкаара "Аԥсны иԥшьоу амитрополиа" ахеилак ахантәаҩы, ААУ арҵаҩы.