Аиааира амш аламҭалазы традициала Мықә ашҭаҟны имҩаԥысуеит аҽырҩра. Ари аныҳәа ду еснагь еиднакылоит атәыла араионқәа рҟынтәи аспорт ҽырхәмаррақәа ирызҿлымҳау ауааԥсыра. Сынтәатәи ахәмаррақәа шеиҿкаахо атәы арадио Sputnik иазеиҭеиҳәеит, аҽырхәмаррақәа рыӡбаҩ хада Роман Занҭариа.
"Араион аԥхьахә агаразы аҽыхәмаррақәа актәи амш азы акомандақәа еиндаҭлоит агәыԥ аҟынтә аҭыҵразы. Аҩбатәи амш азы иҟалоит афиналбжеи афинали. Иара убри адагьы иҟалоит аҽырҩрақәа. Дарбанзаалакгьы имоуп алшара иҽы ақәыргылара", — еиҭеиҳәеит Занҭариа.
Инарҭбааны аиҿцәажәара шәахәаԥшыр шәылшоит Sputnik Аԥсны асаит аҟны.