АҞӘА, цәыббра 30 - Sputnik. Сергеи Дбар ихьӡ зху Гәдоуҭатәи амузеи аҿы иаатит ацәыргақәҵа "Аиааира ацыԥхьқәа".
Уаҟа иҟоуп архивтә фотосахьақәа рыдагьы, 1992-1993 шықәсқәа рзы аԥсуа сахьаҭыхыҩцәа иҭырхыз акарикатурақәагьы.
Урҭ иреиуоуп Валери Гамгьиа, Кыт Аҩӡба, Сергеи Габелиа, Леуард Мхонџьиа, Зоиа Аџьынџьал, Руслан Чхамалиа, Руслан Габлиа, Гарри Дочиа, Адгәыр Ӡиӡариа русумҭақәа.
Уи адагьы, амузеи аҿы ицәыргақәҵоуп ацхыраагӡатә школ аҿы аҵара зҵо ахәыҷқәа рҭыхымҭақәа. Ацәыргақәҵа жьҭаарамза анҵәамҭанӡа имҩаԥыслоит.