АҞӘА, жьҭаара 1 - Sputnik. Аслан Бжьаниа Аԥсны атәылахьчара аминистрра иамоу абџьари арратә техникеи даҭаан ибеит ҳәа аанацҳауеит атәыла ахада ипресс-маҵзура.
Бжьаниа идырбеит абџьарқәа рҿырԥштәқәа, иҿыцу аибашьыгатәии иҷыдоуи атехникеи назлоу, артиллериатәии акәылӡтехникатәии бџьар ргыларҭақәа.
"Адҵаҟаҵаҩ хада идырбеит абџьар ахк ҿыцқәа, ирзааҭгылеит ҳаамҭазтәи аибашьрақәа рҟны рԥышәа шьаҭас иҟаҵаны абџьар ахархәашьа атәы", – ҳәа аҳәамҭаҿы иазгәаҭоуп.
Агәаҭарақәа рышьҭахь атәыла ахада анапынҵа ҟаиҵеит ареспублика Арбџьармчқәа рылшарақәа реизырҳаразы.