АҞӘА, жьҭаара 2 - Sputnik. Бжьаниа иусԥҟала арежиссиор Ҭеимураз Кәакәасқьыри акомпозитор Русҭам (Анри) Гәымбеи акультуреи аҟазареи рҿы иаадырԥшыз рылшамҭақәа рзы "Аԥсны аҟазара зҽаԥсазтәыз аусзуҩ" ҳәа аҳаҭыртә хьӡқәа рыхҵоуп.
Абри азы аусԥҟа инапы аҵаиҩит Аслан Бжьаниа.
Ҭеимураз Кәакәасқьыр — КВН акоманда "Нарты из Абхазии" далахәылан, КВН Иреиҳаӡоу алига ачемпион. 2016 шықәсазы Аԥсны имҩаԥысуаз ашьапылампыл азы ConIfa-2016 аартра режиссиор. Афильм "Спасибо деду за победу", асериал "Однажды в Абхазии" режиссиорс дамоуп. 2017 шықәса инаркны 2020 шықәсанӡа Аҿари аспорти русқәа рзы Аҳәынҭқарратә еилак ахантәаҩыс дыҟан.
Русҭам Гәымба акультуреи аҟазареи рҿы иааирԥшыз илшамҭақәа рзы "Аԥсны аҟазара зҽаԥсазтәыз аусзуҩ" ҳәа аҳаҭыртә хьӡы ихҵоу. инапы аҵаиҩит аҳәынҭқарра ахада Аслан Бжьаниа. 🖇 Русҭам (Анри) Гәымба акомпозитор, амузыкатә продиусер, 150 инарзынаԥшуа ашәақәеи акомпозициақәеи равтор. Апроект "Apsny Star" апродиусер.