АҞӘА, жьҭаара 2 - Sputnik. Жәларбжьаратәи афорум "Visit Apsny" мҩаԥгахоит Гагра, абҵара 1, 2 рзы.
Атуризм Аԥснытәи Аидгыла ахада Анна Калиагина Sputnik ишазеиҭалҳәаз ала сынтәа Аԥсны, Урыстәыла, Ҭырқәтәыла рҟынтәи жәаҩык инареиҳаны аспикерцәа ҟалоит.
Алекциақәеи асеминарқәеи рҟны ирылацәажәоит асасааирҭақәеи акурортқәеи рзы атуристтә аалыҵ ҿыцқәа, аиндустриа аҿиара, амаркетинг, амаҵзура адгалареи ахаҭабзиара аизырҳареи.
"2024 шықәсазтәи асезон ҳалацәажәоит, сынтәатәи агхақәа азгәаҭаны ҽаантәи ауснагӡа азҳархиоит. Афорум хәарҭахоит аргыларақәеи аресторанқәеи русура аиӷьтәра зҭаху, амаҵура ахаҭабзиара еиззырҳарц иашьҭоу зегьы рзы", — ҳәа лҳәеит Калиагина.
Аусутә программа инаваргыланы имҩаԥгахоит APSNY HORECA ацәыргақәҵа. Уа иӡыргахоит амаҵзурақәа, амыругақәа, атауарқәа азеиԥшкрыфарачареи асасааирҭатә бизнеси реиҿкааразы.
Калиагина лажәақәа рыла, афорум алахәылацәа иҿыцу атехнологиақәа, иҿыцу аӡбарақәа рзы адыррақәа роуеит, иалшоит асасдкылара аиндустриа аҵыхәтәантәи адыррақәа.