АҞӘА, жьҭаара 9 - Sputnik. Аҟәа Аҳәынҭфилармониа асценаҿы иаатит III Жәларбжьаратәи аоператә фестиваль "Opera Viva".
Аҳәынҭқарратә камертә оркестр, Аҳәынҭқарратә ахортә капелла, Вадим Судаков ихьӡ зху Москватәи аҳәынҭқарратә капелла, иара убас Аԥсни, Урыстәылеи, Китаи рҟынтәи аоператә шәаҳәаҩцәа инарыгӡеит Вивальди, Беллини, Верди, Моцарт уҳәа егьырҭ акомпозиторцәеи раԥҵамҭақәа.
"Иахьа апрограммаҿы ҷыдала ирзааҭгылан аоператә хәҭақәак, иаҳәозар, аоператә композициатә элементқәа зегьы, ихьанҭоу амузыкатә-драматә қәгылара. Урҭ рахь иаҵанакуеит аоператә ариақәеи, ансамбльқәеи, ахорқәеи, аоркестртә номерқәеи", — ҳәа лҳәеит Аҳәынҭфилармониа асахьаркыратә напхгаҩы Есма Џьниаԥҳа.
Афестиваль "Opera viva" хыркәшахоит Пицундатәи ауахәама аконцерт зал аҿы жьҭаара 10 рзы.