АҞӘА, жьҭаара 9 - Sputnik. "Аҟәа-марафон" аволонтиорцәа рыдкылара иалагеит ҳәа аанацаҳуеит Аҿари аспорти русқәа рзы аҳәынҭеилакы.
Аволонтиорцәа рҭахуп аҽҭаҩратә пунктқәа рҿы арыцхраараз, алахәылацәа амҩаҿы ацхыраара рыҭаразы, афиниш аҿы аусуразы, мамзаргьы аҳамҭақәа ранашьараан ацхыраара аҟаҵаразы.
Ауснагӡатә алахәхаразы азҵаабӷьыц харҭәаатәуп.
"Аҟәа-марафон" мҩаԥысуеит жьҭаара 25-27 рзы Аԥсны аҳҭнықалақь аҿы, уи алахәхаразы аҽҭаҩра иалагахьеит. Амарафон аҳәаақәа ирҭагӡаны имҩаԥгахоит амузыкатә фестиваль, амилаҭтә чыси амилаҭтә ҩи рфестивальқәа. Аусмҩаԥгатә еиҿнакаауеит аилазаара "Беговая История" Аԥсны аҿари аспорти русқәа рзы аҳәынҭқарратә еилаки Аԥсны атриатлон Афедерациеи рыцхыраарала.