АҞӘА, жьҭаара 10 - Sputnik. "Ласточка" сынтәа Аҟәаҟа аҵыхәтәантәи аԥышәаратә реис мҩаԥнагеит.
Мшаԥымзазы атурдәыӷба аҳҭнықалақь ахь иааит адәыӷбамҩа агәаҭаразы.
"Аԥсныеихамҩа" анџьныр хада Леонид Ҟәыруа иажәақәа рыла, аҩбатәи ареис ашьҭахь згәаҭақәак аарԥшын, урҭ адәыӷба ашәагазагақәа ирыдҳәалоуп.
Иааиуа ашықәс инаркны "Ласточка" Аҟәаҟа иааиԥмырҟьаӡакәа апассаџьырцәа аанагалоит.
2024 шықәсазы фымз рыла атуристтә дәыӷба 23 нызқьҩык инареиҳаны ауаа аанагеит. Уажәы "Ласточка" Шәачеи Гагреи ирыбжьоуп. 2023 шықәса рашәарамза инаркны 2024 шықәса рашәарамзанӡа адәыӷба 73 105-ҩык апассаџьырцәа мҩаннагеит.