АҞӘА, жьҭаара 10 - Sputnik. Аԥсны адәныҟатәи аусқәа рминистр Сергеи Шамба Женеватәи аиҿцәажәарақәа рыцхантәаҩцәа дырԥылеит.
Аиԥылараҟны Гал Аидысларақәа раԥырҟәҟәаареи рҭак аҟаҵареи рзы Амеханизм аусура аиҭахацыркреи Женева имҩаԥысраны иҟоу аиҿцәажәарақәа рымшхәаԥштәи ирылацәажәеит.
Адәныҟатәи аусқәа рминистрра анапхгаҩы иажәақәа рыла, аԥсуа ган азы зегь реиҳа ихадароу зҵаароуп аибашьра аиҭаламгареи Аԥсни Қырҭтәылеи рыбжьара амч ахамырхәараз аиқәшаҳаҭра анапаҵаҩреи.
Шамба иазгәеиҭеит Қырҭтәыла иҟанаҵаз азы аҭамзаара ашьҭаҵара аинышәарахь раԥхьатәи шьаҿаны иҟалар шалшо. Иара убасгьы Қарҭ "аоккупациа зызуу аҵакырақәа" ҳәа иаларгалаз атермин ааныжьра ахәҭоуп.