АҞӘА, жьҭаара 11 - Sputnik. Аԥсны Апарламент аиҳабы Лаша Ашәба напхгара зиҭо адепутатцәа рделегациа алахәуп Ростов-на-Дону имҩаԥысуа XLI Алада-Урыстәылатәи Апарламенттә Ассоциациа Аконференциа.
Жәлар Реизара ари Ассоциациа иалоуп цәыббрамза 30 2005 шықәса раахыс.
Сынтәа уи иассоциациатә лахәылацәаханы иалалеит ДЖәРи ЛЖәРи иртәу Жәлар Рхеилакқәа, Запорожтәи аобласт Азакәанԥҵаратә Еизара, Херсонтәи аобласттә Дума.
Амш аусхәаԥштә иалан 54 зҵаара, урҭ аҭаацәаратә наплакреи абизнеси амоноқалақьқәа рҿы рырҿиара, Алада Урыстәыла афымцамчсистема аҭышәныртәаларазы ауснагӡатәқәа, афармацевттә усура азҵаарақәа, иреиҳау аҵараиурҭақәа рҿы хықәкылатәи аҵара, ақыҭанхамҩеи аграрицәеи рыдгылара уҳәа ирызкын.