Аԥсуа школқәа рзы аурыс бызшәа арҵага шәҟәқәа рҿы Аԥсны иазку адыррақәа ралагалара азы аусура аиҿкаара иалацәажәеит Аԥсны аҵара аминистр Инал Габлиеи Урыстәыла аҵара аминистр ихаҭыԥуаҩ Андреи Корнееви. Аиԥылара мҩаԥысит Москва. Излацәажәоз зҵааран убасгьы Урыстәылатәи "Смена" еиԥшу жәларбжьаратәи ахәыҷтәы лагер Аԥсны аԥҵара. Уи азы еиқәшаҳаҭхеит Урыстәыла аҵара аминистрра ахаҭарнакцәа рыла ишьақәгылоу аусуратә гәыԥ Аԥсныҟа адәықәҵара.
Ауаҩы ихаҭара ашьақәыргылараҟны аҵаратә система алшара ӷәӷәоуп. Аԥсуа ихәыцшьа иидеологиа иақшәароуп, иҳааӡо ахәыҷы ҳҳәынҭқарра азы акәу, мамзаргьы даҽа тәылак азы акәу дҳааӡо еилаҳкаароуп, здунеихәаԥшышьа аԥсуара иақәшәо ахәыҷқәа рааӡараҟны ҳахьеиҵахо ыҟоуп, ҳәа азгәалҭеит Кәарҷелиаԥҳа. Амилаҭтә компонент Аԥсны иҟоу ашколқәа зегьы рырҵагатә шәҟәқәа рҿы иарбазароуп, ииагозар, иара атәылаҿацәҭҵаара иазку амаҭәаргьы, лҳәеит Аҵара аминистр ихаҭыԥуаҩ.
Аицәажәара инеиҵыхны ишәаҳар шәылшоит аудиофаил аҟны хыхь.