АҞӘА, жьҭаара 13 - Sputnik. РУСДРАМ Ростов-Донтәи ақалақь аҿы имҩаԥысуаз жәларбжьаратәи афестиваль "Аурыс комедиа" иалауреатхеит.
Жьҭаара 12 рзы, атеатр Максим Горки ихьӡ зху Ростовтәи Академиатә драматә театр асценаҿы ахәаԥшцәа иднарбеит Олесиа Невмержицкаиа лықәыргыламҭа "Ахьча Махаз".
Аспектакль еиуеиԥшым аноминациақәа рҿы иалкаан:
"Иреиӷьу арежиссер иусумҭа"
"Иреиӷьу асахьаҭыхҩы иусумҭа" (Витали Кацәба),
"Иреиӷьу ахаҵа ироль" (Саид Лазба – Махаз, Џьамбул Жорданиа – Шьаликәа),
"Иреиӷьу актиортә ансамбль."
Афестиваль "Аурыс комедиа" – акомедиатә жанр ала иреиӷьу аспектакльқәа раарԥшра, аурыс классикатә драматургиеи ҳаамҭазтәи авторцәеи рҩымҭақәа рықәыргылараан атеатралтә форма ҿыцқәеи аидеиа ҿыцқәеи рыԥшаара, акомедиа ажанр аҟны актиорцәеи, арежиссиорцәеи, асахьаҭыхыҩцәеи рҟазаразы иҷыдоу конкурсуп.
Афестиваль Урыстәыла Акультура аминистрреи Ростовтәи аобласт аиҳабыреи рыцхыраарала еиҿкаауп.