АҞӘА, жьҭаара 22 - Sputnik. Аԥснытәи арежиссиор Наур Гармелиа "Евразиа-Кинофест" афестиваль аҿы "иреиӷьу арежиссиор" акатегориаҿы аиааира игеит.
Афильм "Аҵыхәтәантәи ахә" азы "Евразиа" аҳаҭәараҷ ианашьоуп.
Гармелиа Sputnik ишазеиҭеиҳәаз ала, афестиваль "Евразиа-Кинофест" раԥхьаӡа акәны имҩаԥысит, иалахәын ԥыхьатәи Асовет Еидгыла ареспубликақәа зегьы.
"Сара даара сеигәырӷьоит, иааидкылан зегь аинтерес рыҵан, раԥхьаӡа акәны ԥыхьатәи Асовет Еидгыла ареспубликақәа зегьы рхы аладырхәит”, - ҳәа иҳәеит Гармелиа.
Аицлабра апрограмма иаҵанакуан арра-ҭоурыхтә хҭысқәа, жәларбжьаратәи аизыҟазаашьақәа, акультура, аспорт, ҳаамҭазтәи ауаажәларра апроблемақәа уҳәа зныԥшуаз зметраж дууи, зметраж кьаҿуи, адокументалтәи фильмқәа. Аконкурс аҿы аноминациақәа 12 рҟны аԥхьахә згаз "Евразиа" аҳаҭаратәҷқәа ранашьан.
Афильм "Аҵыхәтәантәи ахә" аԥхьарабара аԥсны имҩаԥгахоит хара имгакәан.