АҞӘА, жьҭаара 23 - Sputnik. Аԥснытәи ашколхәыҷқәа Сириус имҩаԥысуаз аекологиазы Жәларбжьаратәи аолимпиада аҿы аԥхьахәтә ҭыԥқәа ааныркылеит ҳәа аанацҳауеит Аԥсны аҵара аминистрра
Аҟәа инхо Софиа Оҭырԥҳаи Гагра инхо Асҭамыр Џьакониеи хаҭалатәи атур аҿы аиааира ргеит, урҭ аџьаз медалқәагьы ранашьахеит.
Егьырҭ агәыԥ алахәылацәа асертификатқәа ранашьан.
Аекологиеи аҳауашьақәгыла аԥсахреи ирызкыз аолимпиада мҩаԥысит жьҭаара 21 рзы. Уи рхы аладырхәит быжь-ҳәынҭқаррак рҟынтәи 30-ҩык ашколхәыҷқәа: Аԥсны, Урыстәыла, Белоруссиа, Индонезиа, Таџьикистан, Пакистан, Сеишельтәи адгьылбжьахақәа.