АҞӘА, жьҭаара 28 - Sputnik. Бзыԥтәи аипподром аҿы имҩаԥысуаз аҽыбӷаҟазаратә хәмаррақәа рзы Аԥсны ачемпионат аҟны аиааира агеит Риҵатәи ареликттә милаҭтә парк акоманда.
аҩбатәи аҭыԥ — Гагра араион акоманда,
ахԥатәи аҭыԥ — Гәдоуҭа араион аспортсменцәа.
Аҽырыҩрақәа мҩаԥысит 1400, 1600 метра абжьаӡарақәа рыла (2 еицлабрак), 2000 метра (2 еицлабрак), 2400, 3200 метра абжьаӡарақәа рыла. Аҽыуаа еицлабуан аҽымпыл, аҵәыршәра, аҽырхәмарра, аҳәаҟьара рҿы.
Аиҿкааҩцәа — Аҳәынҭқарратә спорттә Еилакы, Аԥсны аҽыбӷаҟазара Афедерациа, Гагра араион ахадара.