АҞӘА, жьҭаара 29 - Sputnik. Ахәыҷтәы центр ашьақәгылара шәышықәса ахыҵра иазкны "Артек" акоманда Аԥсны ашколхәыҷқәеи астудентцәеи рзы аусмҩаԥгатәқәа еиҿыркаауеит.
Ахәыҷқәа ирылшоит атриколори Артек амцаԥшьи рыԥштәқәа рхы иархәаны агәы асахьа еиԥшу арҩычагақәа рыҟаҵара, амҿы иалху "аматриошкақәа" рышәра, артекаа рашәақәеи, рыхәмаррақәеи, рыкәашарақәеи, иамоу атрадициақәеи рдырра.
Ауснагӡатәқәа мҩаԥгахоит Аҟәа, аҟазаратә-ҭыԥ "Гәыма" аҿы жьҭаара 3 1 - абҵара 1 рзы.
Аиҿкааҩцәа — Аԥсны аҵара аминистрреи "Артеки".