АҞӘА, жьҭаара 30 - Sputnik. Аԥсны аполитикатә репрессиақәа ирылаӡыз ргәаладыршәеит.
Сариа Лакәаба лыхьӡ зху абаҳча маҷ аҿы ашәҭқәа шьҭарҵеит Аԥсны ахада Аслан Бжьаниа, Аминистрцәа реилазаара алахәылацәа, Апарламент адепутатцәа, ауаажәларратә усзуҩцәа ҳәа аанацҳауеит "Аԥсны .Иахьа".
Есышықәса жьҭаара 30 рзы Аԥсны иазгәарҭоит Аполитикатә репрессиақәа ирылаӡыз ргәалашәара амш. ХХ ашәышықәса 30-40-тәи ашықәсқәа рзы ареспубликаҿы быжьнызқьҩык инареиҳаны харада ахара рыдҵан ирӡын.