АҞӘА, жьҭаара 31 - Sputnik. Херсонтәи аобласт аҟынтәи ахәыҷқәа ԥсшьара ҳәа Аԥсныҟа иаауеит, абри атәы аанацҳауеит атуризм аминистрра.
Абри азы еиқәшаҳаҭхеит Аԥсны атуризм аминистр Ҭеимыраз Хышбеи ЛДПР арегионалтә ҟәша ахаҭарнаки реиԥылараан. Раԥхьатәи агәыԥ Голопристансктәи араион аҟынтәи Аԥсныҟа идәықәлахьеит, урҭ рхыԥхьаӡараҿы иҟоуп ахәҷырацәеи зылшарақәа маҷу аҭаацәарақәеи ирылҵыз ахәыҷқәа ҳәа аанацҳауеит аусбарҭа апресс-маҵзура.
Ааԥынразы 30-ҩык ахәыҷқәа рзгьы аԥсшьарамшқәа еиҿкаахоит.