АҞӘА, абҵара 4 - Sputnik. Харитон Агрба Жәларбжьаратәи абоксиортә федерациа IBA инақәыршәаны, 67 кьыла иҟоу азҟазацәа рыбжьара Адунеи ачемпион ҳәа атитул даиааит.
Ақәԥара жәа-раундк имҩаԥысуан. Аӡбаҩцәа рыӡбарала Агрба дииааит аргентинауаҩ Габриель Роса.
Иара убас Агрба актәи абжьарабжатә капан аҿы иқәгылоу рыбжьара WBA атитул ианашьахар алшоит.
Харитон Агрба – Аԥснытәи апрофессионалтә спортсмен, аицлабрақәа рыҟны Урыстәыла абираҟ даҵагыланы дықәгылоит. Иара жәларбжьаратәи акласс ала аспорт дазҟазоуп, WBA Fedecaribe, WBA Continental, IBF European ртитулқәа ианашьоуп, апрофессионалтә ринг аҿы 2019 шықәса аахыс дықәгылоит.