АҞӘА, абҵара 6- Sputnik. 2004 шықәса иалагазар Аԥсны иахьаҵанакуа аԥсшьаҩцәа рганахьала ацәгьоурақәа 55 мҩаԥган.
Аԥсны АҩАР аҿы имҩаԥысуа аилатәараҿы амилициа араионтә ҟәшақәа рнапхгаҩцәа иҟарҵаз аҳасабырбақәа рыла, атуристцәа еиҳа иахьырацәоу — Гагра араион аҿы ацәгьоурақәа 36 азгәаҭоуп.
Гәдоуҭа араион аҿы ацәгьоурақәа 7 ҟаҵоуп, Аҟәа ақалақь аҿы – 10, Гәылрыԥшьи Очамчыреи рраионқәа рҿы акака цәгьоура.
2023 шықәсазы атуристцәа рганахь ала ацәгьоурақәа 50 ашәҟәы иҭагалан, 2022 шықәсазы – 86.