АҞӘА, абҵара 6- Sputnik. Женева имҩаԥысит Кавказнҭыҵтәи ашәарҭадара иазку аиҿцәажәарақәа 62-тәи рраунд.
Аганқәа иазгәарҭеит Аԥсни Аахыҵ Уаԥстәылеи рҵакырақәа рҟны шҭынчроу ҳәа аанацҳауеит Аԥсны АдәАР.
Ашәарҭадара азҵаара иалацәажәоз агәыԥ инаҵшьны ирҳәеит Қырҭтәыла амч ахамырхәаразы аиқәшаҳаҭра анапаҵаҩреи Гал Аидысларақәа рызхьаԥшреи раԥырҟәҟәаареи рзы амеханизм (МПРИ) арҿыцреи шаҭаху.
Иара убас иалацәажәеит Аԥсни Аахыҵ Уаԥстәылеи ртәылауаа ԥынгыла рымамкәа инеиааиларц азы, аҵареи агәабзиарахьчареи уадаҩрада ироуларц азы азҵаара. Аԥсуа тәылауаҩшәҟәы змоу атәылауаа егьырҭ аҳәынҭқаррақәа рахь ицаразы ироуа ауадаҩрақәа рыӡбаразы жәларбжьаратәи аусутә гәыԥ аԥҵара.
Аԥсни, Урыстәылеи, Аахыҵ Уаԥстәылеи Женеватәи аиҿцәажәарақәа даҽа тәылак ахь риагаразы азҵаара шьҭырхит, уи мзызс иаиуит Швеицариа анеитралтә позициа аанкылара иахьаҟәыҵыз.