АҞӘА, абҵара 7 - Sputnik. Аԥсны Урыстәыла иаԥну адгьылҵакырақәа рҿы ауаажәларратә ҭышәынтәалареи ашәарҭадареи ирзырхоу аусмҩаԥгатәқәа арӷәӷәоит абҵара 8-10, 26-29 рзы Сириус имҩаԥысраны иҟоу Раԥхьатәи министрцәа рконференциа "Урыстәыла – Африка" афоруми Аҵарауаа ҿарацәа IV рконгресси инарымаданы.
Ари аамҭа иалагӡаны, АПМ аԥыԥшырҭа "Баӷрыԥсҭа" аус аулоит.
Аԥсны аҩнуҵҟатәи аусқәа рминистр Роберт Кьиут анапынҵа ҟаиҵеит аусбарҭа аоперативтә ҟәшақәеи иҷыдоу амаҵзурақәеи русуҩцәа рыла апатрультә гәыԥқәа рхыԥхьаӡара иацырҵарц.
Аԥсны аҩнуҵҟатәи аусқәа рминистрра Аԥсны Урыстәыла иаԥну аҭыԥқәа рҟны иҟалар зылшо азакәанеилагаратә усмҩаԥгатәқәа раԥырҟәҟәааразы оператив-профилактикатә усмҩаԥгатәқәа мҩаԥнагоит.