АҞӘА, абҵара 9 - Sputnik. Аҩнуҵҟатәи аусқәа рминистрра иатәу Иаарласны анырра ҟазҵо агәыԥ ҷыда аусзуҩцәа зегьы иҳаҩсыз ԥшьышықәса ирылагӡаны аттестатица еиҭахысит. Абри атәы "Аԥсны.Иахьа" иазеиҭеиҳәеит АҩА рминистр ихаҭыԥуаҩ Рашь Ҵәыџьба.
"Иаарласны анырра ҟазҵо агәыԥ ҷыда (СОБР) аҟны аусура ҳаналага, аҭагылазаашьа даара ицәгьан, иахәҭаз абџьари ашәҵатәи ыҟамызт, иааиԥмырҟьаӡакәа 24 сааҭ аус зуа иҷыдоу абазагьы ыҟамызт. Аҵыхәтәантәи ԥшьышықәса ирылагӡаны зегьы акыр аҽаԥсахит", —ҳәа азгәеиҭеит Ҵәыџьба.
Иара иажәақәа рыла, ари аамҭа иалагӡаны атехника ҷыдазы иаахәан 16 ак транспорт, аусзуҩцәа абџьари аџьаԥҳани рыла еиқәыршәан.