АҞӘА, абҵара 9 - Sputnik. Аԥсны аиустициа аминистр Анри Барцыц напхгара зиҭо аԥсуа делегациа Урыстәыла аӡбарҭа анагӡаҩцәа Рфедералтә маҵзура Ахраҿа агаразы аицлабрақәа рхы аладырхәит Курган ақалақь аҿы.
Аԥсны аиустициа аминистрреи Урыстәыла аӡбарҭа анагӡаҩцәа Рфедералтә маҵзуреи акыр шықәса аус еицыруеит.
Аԥсуа делегациа алахәылацәеи Амаҵзура аиҳабы Дмитри Аристови еиԥылеит Курган, дара аицлабрақәа ирыхәаԥшуан, аспортсменцәеи дареи еицәажәон, рԥышәа еимырдон.
Ажәабатәи атурнир иалахәын афедералтә округқәа ааба рҟынтәи 100-ҩык аспортсменцәа.