АҞӘА, абҵара 10 - Sputnik. Жәларбжьаратәи акласс аспорт азҟаза, СССР ачемпион, Европа ачемпион Рашь Хәытаба ихьӡ зху зых иақәиҭу ақәԥаразы Жәларбжьаратәи атурнир мҩаԥысуан Аҟәа.
Атурнир иалахәын Аԥсны араионқәа зегьы, Краснодартәи атәылаҿацә, Ареспублика Адыгеиа, Шәача, Адлер рҟынтәи 100-ҩык аспортсменцәа.
Аицлабрақәа ирылахәын 2007-2008, 2009-2010, 2011-2012 шықәсқәа рзы ииз арԥарацәа.
Раԥхьаӡа Рашь Хәытаба ихьӡ зху зых иақәиҭу ақәԥаразы Жәларбжьаратәи атурнир мҩаԥган Аԥсны жәлар Рџьынџьтәылатә еибашьраан игаз Аиааира мызқәак рышьҭахь.