АҞӘА, абҵара 12 — Sputnik. Аҟәатәи ақалақьтә ӡбарҭа Алмасхан Арӡынбеи, Рамаз Џьопуеи, Гарри Кокаиеи рганахьала административтә усӡбара ааннакылеит, ахҭыс ахьыҟам инамаданы ҳәа Sputnik иазеиҭарҳәеит аусӡбарҭа апресс-маҵзураҟны.
Аусӡбара аанкылара инамаданы арҭ ахҩык рхы иақәиҭыртәран иҟоуп ҳәа азгәарҭеит апресс-маҵзураҟны.
Аԥсны атәылауаа ԥшьҩык – Гарри Кокаиа, Алмасхан Арӡынба, Рамаз Џьопуа, Омар Смыр – абҵара 11 рзы иаанкылан депутатк иганахьала ишакәым рхы мҩаԥыргеит ҳәа. Уи иахҟьаны, аоппозициаа рыдгылаҩцәа Аҟәа Аҳәынҭқарратә шәарҭадаратә маҵзура ахыбра азааигәара аилаҩынтрақәа ҟарҵеит, ареспубликатә мҩаду хада адыркит.