АҞӘА, абҵарамза 14 - Sputnik. Аԥсны Адәныҟатәи аусқәа рминистрра ӷәӷәала иақәыӡбеит Израиль Дамаск иахьажәлаз, Меззеи Кудсаиеи араионқәа рҟны анхарҭа ҩнқәа ирылахысит.
15-ҩык ауаа ҭахеит, 16-ҩык ааха роуит, урҭ рхыԥхьаӡараҿы аҳәсеи ахәыҷқәеи ыҟоуп.
Меззе араион ианалахысуаз Шьамтәыла иҟоу Аԥсны ацҳаражәҳәарҭа ахыбра ааха аиуит, араҟа ахәаахәҭра-ааглыхратә палата ахаҭаранкрагьы ыҟоуп. Аусзуҩцәа рахьтә аӡәгьы ааха имоуӡеит.
"Уқәызхуа арратә мчқәа рхархәарала агрессиа азакәантәра аҽазышәареи, мамзаргьы агәҭак бзиақәеи рыла ариашара залшом ҳәа ҳԥхьаӡоит", — ҳәа аҳәоит аусбарҭа иҟанаҵаз аҳәамҭаҿы.