АҞӘА, абҵарамза 14 - Sputnik. 1942-1943 шықәсқәа рзы Кавказ азы аибашьраан иҭахаз асовет еибашьцәа анышә иахьамадоу аиашьаратә мемориал еиҭашьақәыргылан иаадыртит Гәдоуҭа араион Бамбора аҳаблан.
Амемориал еиҭашьақәдыргылеит Аԥсны иҟоу Урыстәылатәи Афедерациа атәылахьчара аминистрра абыжьбатәи арратә база аԥшьгарала, Аҟәа иҟоу Москва Аҩны ацхыраареи Москватәи аиҳабыра рҟынтәи афинанстә цхыраареи рыла.
Агәалашәаратә еиԥылараҟны ирзааҭгылеит уаҟа анышә иамардаз афырхацәа – Николаи Саданови Иури Шишкини рҭоурыхқәа. Урҭ ирызку адыррақәа шьақәыргылахеит "Абхазпоиск" аҭоурыхтә-архивтә усура абзоурала.
Николаи Саданов диит 1920 шықәсазы, 1942 шықәсазы аррамаҵура иԥхьеит. Деибашьуан Кавказ азы, уаҟа ӷәӷәала дырхәит, Гәдоуҭатәи агоспиталь аҿы иԥсҭазаара далҵит.
Иури Шишкин диит 1925 шықәсазы Гагра. 1942 шықәсазы аррамаҵура иԥхьоит. Деибашьуан Кавказ азы. Дҭахоит нанҳәа 19 1943 шықәсазы аҳаирплан антәоз иҟалаз амашәыр аҟны.