АҞӘА, абҵарамза 15 - Sputnik. Жәларбжьаратәи аволонтиортә программа "Миссия Добро" Аԥсны аусура аихшьаалақәа ҟаҵахоит астол гьежь аҟны.
Апроект алахәыла, ахәыҷтәы апатоԥсихолог Ирина Вельгоша Sputnik иалҭаз аинтервиу аҟны илҳәеит, Урыстәылатәи аҟазауаа ареспубликахь ишааз згәабзиаратә лшара ԥку ахәыҷқәеи урҭ ранацәеи рыцхырааразы. Апрограмма иалоуп Аҟәа, Очамчыра, Гал ақалақьқәа рҟынтәи 120-ҩык ауаа – ахәыҷқәеи урҭ рҭаацәеи.
"Аҽаӡәы иеиԥшымкәа иҟоу ахәыҷы дшыҟоу еиԥш идкылареи ахәыҷы анаҩстәи иреабилитациамҩаҿы ииашаны имҩақәҵареи рҿы анацәа ацхыраара рыҭалатәуп. Ҳара иус хаданы иҳамоу арҭ аҩ-ганк реишьаршәалароуп", — ҳәа лҳәеит лара.
Аҳақьымцәа ахәыҷқәа рзы асеминарқәеи адиагностикеи мҩаԥыргеит, урҭ рдиагноз инақәыршәаны анаҩстәи ргәаҭарақәеи рреабилитациеи рымҩаԥгараан аҭаацәа рыцхыраразы.
Апроект абҵарамза 11 - 15 рзы Аԥсны имҩаԥысит. Еиҿыркааит Россотрудничествеи, Аԥсны иҟоу Урыстәыла Аҩны ахаҭарнакреи, Аволонтиортә центрқәа рассоциациеи, Аԥсны агәабзиарахьчара аминистрра аинформациатә цхыраарала.