АҞӘА, абҵарамза 15 - Sputnik. Жәлар Реизара адепутатцәа асессиа амшхәаԥштә шьақәдмырӷәӷәаӡеит, асессиа ҟалаӡом.
Асессиаҟны 35-ҩык адепутатцәа рҟынтәи 21-ы аилатәара иалахәуп. Жәлар Реизара ахада Лаша Ашәба аилатәара ахыгаразы абжьыҭара мҩаԥигарц рыдигалеит.
Лаша Ашәба иажәақәа рыла, ари зыхҟьаз аинвестициатә усурақәа рзы Аԥсни Урыстәылеи ирыбжьарҵаз аиқәшаҳаҭра ашьақәырӷәӷәара азҵаараз ажәлар рхаҭарнакцәа ирзыҟаҵаз ақәыӷәӷәароуп.
Иҳәеит, "гәыԥҩык адепутатцәа ас еиԥш аҭагылазаашьаҟны аусура ишақәшаҳаҭым".