АҞӘА, абҵара 19 - Sputnik. Аҟәа имҩаԥысит агеографиатә диктант — 2024, абри атәы аанацҳауеит Аԥсны иҟоу Аурыс ҩны ахаҭарнакра апресс-маҵзура.
Аа-ҵараиурҭак рҟынтәи 237-ҩык ашколхәыҷқәеи астудентцәеи еизеит Аԥснытәи аҳәынҭқарратә университети Аԥсны иҟоу Россотрудничество ахаҭарнакреи рҿы. Дара 45 минуҭ рыла адҵақәа жәабеи 30 зҵаара рҭакқәеи ҟарҵар акәын.
Аҟәатәи аҩбатәи ашкол аҵаҩы Даур Барцыц иажәақәа рыла, адиктант аҽалархәра даара аинтерес аҵан. Иара инаҵшьны иазгәеиҭеит, Урыстәыла агеографиа адырра шхымԥадатәиу, избан акәзар, уи Аԥсны астратегиатә партниоруп, уи иадҳәалоуп еицырзеиԥшу аҭоурых хҭысқәа.
Акциа алҵшәақәа еилкаахоит ԥхынҷкәын 12 рзы.
Акциа еиҿыркаауеит есышықәса 2015 шықәса раахыс агеографиатә дыррақәа рыларҵәареи Урыстәыла амилаҭтә беиарақәа рызхьаԥшреи хықәкыс иҟаҵаны. 2023 ашықәсазы адиктант мҩаԥыргеит 110 тәылак рҿы, иалахәын 350 000 инареиҳаны ауааԥсыра.