АҞӘА, абҵара 19 - Sputnik. Аҳәынҭқарра ахада Аслан Бжьаниа имаҵураҭыԥ ааныжьразы иарзаҳал рыдкыларазы Жәлар Реизараҟны абжьыҭара мҩаԥысуеит ҳәа аалыцҳауеит Sputnik акорреспондент.
Аилатәараҟны 35-ҩык адепутатцәа рахьынтә 30-ҩык алахәуп.
Аилатәара аартуа Апарламент аиҳабы Лаша Ашәба инаҵшьны иазгәеиҭеит, Жәлар Реизареи егьырҭ аусбарҭақәеи ишьақәгылаз акризистә ҭагылазаашьа аӡбаразы аџьабаа рацәа шырбаз.
Маӡалатәи абжьыҭаразы 20 минуҭ аԥсшьара рылаҳәан. Аԥхьаӡаратә комиссиа иалахәын адепутатцәа Асҭамыр Аршба, Бадрик Ԥлиа, Баҭал Џьопуа.