АҞӘА, абҵара 21 - Sputnik. Аԥснынтәи Урыстәылаҟа быжь нызқь тонна ақыҭанхамҩатә аалыҵ нашьҭуп ҳәа аанацҳауеит Краснодартәи аҳазалхратә усбарҭа апресс-маҵзура.
Аҳазылхратә пункт "Адлер" уахыки-ҽнак рыла 500 тонна рҟынӡа ашәыр ахыганы иргоит.
Жьҭаарамза алагамҭа инаркны ареспубликаҟынтәи Урыстәылаҟа иалагалоуп:
5,5 нызқь тонна амандарина;
650 тонна афеихоа;
180 тонна ахәырма;
75 тонна алимон;
225 тонна араса.