Ауаажәларратә палата аҩныҵҟа аус ауеит "Аҳәынҭқарра аргылара" ҳәа акомиссиа, иара дахагылоуп Ерасҭ Агәмаа. Иаԥҵоуп аусуратә гәыԥ, Аԥсны Аконституциа аиҭакрақәа ралагаларазы, ҳәа иҳәеит аиҿцәажәраҿы Агрба.
"Еиҳарак апроблема зхылҿиаауа, аҳәынҭқарра анапхгараҿы аиҟарамра ахьыҟоу ауп. Ҳара еидаҳкылеит Аконституциа аԥсахразы аус зыдулаз апроеткқәа зегьы. Иҭаҳҵааит. Анапхгара аҟәшақәа зегьы рзы иаԥҵазароуп аҭакԥхықәра, урҭ рӷәӷәатәуп. Еихшатәуп рымчра. Иҟоу алхратә система акәзар, иалагалатәуп аԥсахрақәа. Амажоритартә система ҳара иаҳнаалаӡом", - ҳәа иҳәеит Агрба.
Инеиҵыху аиҿцәажәара шәазыӡырҩыр шәылшоит аудиофаил аҿы.