АҞӘА, абҵара 25 — Sputnik. Аслан Бжьаниа аҳәамҭа ҟаиҵеит Аԥсны имҩаԥысраны иҟоу ахада иалхрақәа ихы шрылаирхәо. Абри атәы ааанцҳауеит ТАСС.
Аԥсны ахада иалхра мҩаԥысроуп 2025 шықәса жәабранмза 19 рҟынӡа.
Аслан Бжьаниа инапынҵақәа шьҭеиҵеит ԥшьымш ицоз аҿагыларатә қәгыларақәа рышьҭахь. Аиҳабыреи аоппозициеи рхаҭарнакцәа аа-сааҭк ицоз аиҿцәажәарақәа рышьҭахь еиқәшаҳаҭхеит — атәыла ахадеи аԥыза-министри ԥхьатәара ишцо азы.
Атәыла ахада инапынҵақәа наигӡалоит — Бадра Гәынба, Аԥсны аԥыза-министр инапынҵақәа наигӡалоит — Валери Бганба.