АҞӘА, абҵара 28 — Sputnik, Бадраҟ Аҩӡба. Аԥсны амчрақәа рыбжьара азинмчы аихшара азԥхьагәазҭо аконституциатә еиҭакрақәа рыпроект Апарламент аҟынтәи ирхынҳәуп.
Апарламент аҿы аҳәынҭқарра ахада ихаҭарнак Баҭал Аиба иажәақәа рыла, апроект ахада инапынҵақәа назыгӡо Бадра Гәынба ирхынҳәит. Апроект аус адуланы, аиҭакра ҿыцқәа алагалан ирыдгалахоит иҳәеит Аиба.
Аконституциа аиҭакрақәа иазыԥхьагәанаҭон аԥыза-министри уи ихаҭыԥуааи рмаҵурақәа раԥыхра, аминистрцәа раҭараан Апарламент ақәшаҳаҭхарала.