РУСДРАМ имҩаԥысит Киплинг ирҿиамҭала ахәыҷтәы спектакль "Маугли" аԥхьарбара. Астудиа "Чик" ахәбатәи аушьҭымҭацәа рҟазара асцена ду аҟны ахәаԥшцәа ирызнаргеит. Ари аус иацыз аџьабааи, аҭакԥхықәреи, аушьҭымҭацәа рҷыдареи атәы арадио Sputnik аефир аҿы еиҭеиҳәеит Фазиль Искандер ихьӡ зхәу аурыс драматә театр ахәыҷтәы студиа анапхгаҩы Џьамбул Жорданиа.
"Ахәыҷқәа "Маугли" рылшоит ҳәа сгәы иаанаганы ауп ишалаҳхызгьы. Ҳара ҭакԥхықәраны иҳамоу ахәыҷқәа атеатртә ҟазара атәы дырҵара мацара акәӡам, рааӡароуп. Еиҳарак рхы аџьабаа шадырбалаша, рыҩаӡара шышьҭыхлатәу. Аӡәи-аӡәи шеизхәыцлар акәу, аиҩызара кыр шаҵанакуа", - ҳәа азгәеиҭеит аиҿцәажәараҿы Жорданиа.
Инарҭбааны аиҿцәажәара шәахәаԥшыр шәылшоит авидеонҵамҭаҿы.