АҞӘА, ԥхынҷкәын 10 – Sputnik. Даур Ақаҩба Аԥсны иҟоу "Жәларбжьаратәи Алианс БРИКС астратегиатә проектқәа" рхаҭарнакс дҟаҵоуп.
Абри азы аусԥҟа лнапы аҵалҩит аусбарҭа ахада Лариса Зеленцова, абри атәы иҩуеит Ақаҩба и-Telegram-канал аҿы.
"Алианс аусура азырхоуп ганрацәалатәи ахырхарҭақәа рыла - акультура, аҟазара, аҭҵаарадырра, атехнологиақәа, аҵарадырра, аспорт" — иҩуеит иара.
Даур Ақаҩба 2023 шықәса жьҭаарамза аахыс Гал араион ахада ихаҭыԥуаҩс дыҟоуп. Уи ашықәсан нанҳәамзазы Аԥсны АдәАР анапынҵа ҷыдақәа змоу ацҳаражәҳәаҩс дҟаҵан.
2016- 2021 шш. — Аԥсны АдәА рминистрс аус иуан. 2022 -2023 шш. — Аԥсны акультура аминистрс дыҟан.