АҞӘА, ԥхынҷкәын 14 - Sputnik. Аҧсны аҳәынҭавтоинспекциа аусзуҩцәа русура рҕәҕәоуп ареспубликатә мҩаду иахьықәҵааз иахҟьаны, абри атәы Sputnik иазеиҭеиҳәеит Аҳәынҭавтоинспекциа аиҳабы ихаҭыҧуаҩ Аслан Базба.
"Реиҳа иахьшәарҭоу амҩақәа аҧслымӡ рықәҧсоуп. Амҩақәа аартуп, аныҟәаразы ҧкра ыҟам", — иҳәеит иара.
Базба иажәақәа рыла, ианықәҵаауа арныҟәцаҩцәа рзы ишәарҭоу амҩа хәҭақәоуп — Аҩада Ешыра, "Анхәа лыбыз", Калдахәара ақыҭа араион.