АҞӘА, ԥхынҷкәын 18 - Sputnik. Аҧсуа дипломат Кавказ Аҭрышба иҧсҭазаара даналҵ ашьҭахь Леон иорден ианашьоуп.
Аҭрышба Аҧсны жәлар Рџьынџьтәалатә еибашьраан иааирҧшыз агәымшәареи афырхаҵареи рзы аҳәынҭқарратә ҳамҭа ианашьаразы Аусҧҟа инапы аҵаҩит атәыла ахада ин.н. Бадра Гәынба, абри атәы аанацҳауеит ахада ипресс-маҵзура.
Аԥсны жәлар Рџьынџьтәылатә еибашьра аветеран Кавказ Аҭрышба - 1992-1993 шықәсқәа рзы иара Ҭырқәтәылантәи Аԥсны дааит иԥсадгьыл ахьчаразы. Аҭрышба Владислав Арӡынба инапынҵақәа ҷыдала иназыгӡоз агәыԥ напхгара аиҭон. 1995 шықәсанӡа иара Аԥсны раԥхьатәи ахада ихьчаратә маҵзураҿы дыҟан. 2021 шықәса мшаԥымза инаркны Ҭырқәтәыла иҟоу Аԥсны Ахаҭарнакраҿы аусура далагеит.